publica-se às 3ªs e 6ªs
coordenação Pedro Godinho
wiki-faq do reintegracionismo
( http://agal-gz.org/faq/ )
Que é a Agal?
A Associaçom Galega da Língua (AGAL) é umha entidade sem ánimo lucrativo constituída em 1981 na Galiza para defender:
- Umha estratégia reintegracionista para a língua da Galiza (a visom e a vivência desta como umha variedade do sistema lingüístico galego-português).
- A sua plena normalizaçom lingüística.
Em 1983, a sua Comissom Lingüística editou um estudo crítico das normas ortográficas e morfológicas do idioma galego. Em 1989, a segunda ediçom, corrigida e acrescentada, incluía a proposta normativa da Agal.
Para levar a cabo a sua missom, tem utilizado diferentes formatos:
- Congressos, seminários, jornadas e simpósios.
- Cursos.
- Ediçom de Livros.
- Umha revista de ciências sociais e humanidades: Agália.
- Internet, com o Portal Galego da Língua e vários sites associados.
Que é o Portal Galego da Língua?
O Portal Galego da Língua é o principal sítio na rede que informa da atualidade da língua e cultura dumha óptica galega. É promovido pola Associaçom Galega da Língua (AGAL).
O PGL é herdeiro direto dos primeiros trabalhos na rede iniciados em 1999 pola AGAL, com a página web lançada da mao do professor José Henrique Peres Rodrigues; em Setembro de 2001 nasceu um novo sítio corporativo, impulsionado polo novo Conselho presidido por Bernardo Penabade. Esse novo site começou a incorporar notícias e aos poucos meses resultou no projeto atual, lançado em maio de 2002, cujo nome é devido a Miguel R. Penas.
Entre 2002 e 2008 fôrom inúmeras as colaboraçons recebidas, e as quase cem mil visitas mensais confirmam o seguimento e impacto do projeto, com mais de 4.500 artigos publicados durante os seus seis anos de vida, entre os quais 500 peças de opiniom, além de muitas outras secçons, todas voltadas para aproximar a estratégia luso-brasileira de umha maneira simples e didática.
O novo PGL estreou em 2008 endereço próprio, novo delineamento e estrutura renovada, mais moderna, simples e que torna mais fácil de navegar, com as notícias em destaque ordenadas por releváncia na capa e por secçons específicas no histórico. Pode-se contudo seguir a aceder ao velho PGL, se bem que a navegaçom nem sempre seja fácil, mas existe um guia que permite orientar-se melhor.
Deve destacar-se a secçom de Opiniom, que ganhou um espaço próprio e alargou os seus conteúdos além da questom lingüística; a comunidade dos Blogues agal-gz e a dos Foros PGL, potenciadas agora para um maior conhecimento e debate.
Ainda, surgiu o Canal Aberto, espaço dirigido especialmente a acolher contributos ocasionais ou de outras temáticas. Por seu lado, a AGAL conservou um espaço para as suas próprias notícias, embora o resto das suas informaçons sairám a lume de aqui a pouco na sua própria web corporativa, hoje em construçom.
Desde entom, a nova etapa tem consolidado o projeto, aumentando a atualizaçom de notícias (quase 2.500 em ano e meio) e incorporando o PGL às redes sociais, como o Twitter ou o Facebook. Ainda, o canal Entrevistas viu-se enormemente potenciado, com reportagens exclusivas que dam a conhecer o bulir de umha estratégia abraçada cada mais transversalmente na Galiza.
Outros sites associados ao PGL som o Planeta NH, site lúdico com questionários culturais, a loja on-line imperdível e o dicionário e-estraviz, o mais completo dicionário galego.
Sem comentários:
Enviar um comentário